लुम्बिनी प्रदेशमा मन्त्रिमण्डल पुनः विस्तार

Khabar24Nepal Author Logo..
खबर२४ नेपाल पढ्न लाग्ने समय : १ मिनेट

बैशाख २०, रुपन्देही । लुम्बिनी प्रदेशमा मन्त्रिमण्डल पुनःविस्तार गरिएको छ । मुख्यमन्त्रीमा पुनः नियुक्ति भएपछि लुम्बिनी प्रदेशका मुख्यमन्त्री शङ्कर पोखरेलले आज दोस्रो पटक मन्त्रिपरिषद् विस्तार गर्नुभएको हो ।

मुख्यमन्त्री पोखरेलले शिक्षा तथा सामाजिक विकासमन्त्रीमा कल्पना पाण्डेलाई र भौतिक पूर्वाधार राज्यमन्त्रीमा सुमन शर्मा रायमाझीलाई नियुक्त गर्नुभएको छ । नवनियुक्त शिक्षामन्त्री पाण्डेलाई प्रदेश प्रमुख धर्मनाथ यादव र राज्यमन्त्री रायमाझीलाई मुख्यमन्त्री पोखरेलले पद तथा गोपनीयताको शपथ गराउनु भएको हो ।

सात सदस्यीय मन्त्रिमण्डलमा हाल मुख्यमन्त्रीसहित नेकपा(एमाले)का तीन र जनता समाजवादी पार्टीका राज्यमन्त्रीसहित चार जना सहभागी छन् ।

प्रतिक्रिया दिनुहोस