दैलेखमा चट्टयाङ्ग पर्दा ४ जना घाइते

Khabar24Nepal Author Logo..
पढ्न लाग्ने समय : १ मिनेट

बैशाख ०५, दैलेख ।  महाबु गाउँपालिका–६ लामिडाँडा कुइयाँपानीमा बिहीबार साँझ परेको चट्टयाङ्गबाट ४ जना घाइते भएका छन् ।

स्थानीय जयबहादुर शाहीको घरमा परेको चट्टयाङ्गबाट आगनमा आमा समूहको बैठक बसिरहेका महिलाहरु घाइते भएका वडासदस्य दलबहादुर बिकले जानकारी दिए । घाइतेमध्ये ४५ वर्षीया जयकुवँरा शाही र ६३ वर्षीया लालसरा रावत अहिलेसम्म बेहोस भएको, २६ वर्षीया गीता बिक र १७ वर्षीया अनिता शाही अर्धचेतमा रहेको वडासदस्य बिकले बताए ।

भौगोलिक विकटता र यातायातको असुविधा कारण एम्बुलेन्स पठाउन कठिन भएको तर घाइतेको उद्धार तथा उपचारका लागि गैडाबाज प्रहरी चौकीबाट प्रहरी टोली पठाइएको जिल्ला प्रहरी कार्यालय दैलेखका इञ्चार्ज प्रहरी नायब उपरीक्षक ठाकुरप्रसाद पोखरेलले जानकारी दिए । यसैबीच बुधवार साँझ नौमूले गाउँपालिका–२ बालुवाटारको नौफेरीमा परेको चट्टयाङबाट घाइते भएका ७ जनामध्ये गम्भीर घाइते १४ वर्षीय सन्दीप सिंहको दैलेख जिल्ला अस्पतालमा उपचार भइरहेको र उनकाे अवस्था खतरामुक्त रहेको जिल्ला अस्पतालका प्रमुख डा. निरन्जन पन्तले जानकारी दिए ।

प्रतिक्रिया दिनुहोस