सरकारले लगाएको प्रतिबन्ध हटाउन माग गर्दै विप्लवले घोषणा गरे आन्दोलन

Khabar24Nepal Author Logo..
पढ्न लाग्ने समय : १ मिनेट

चैत १२, काठमाडौं । सोमबार नेकपा महासचिव नेत्रविक्रम चन्द विप्लवको हस्ताक्षर सहितको वक्तव्य जारी गर्दै पक्राउ परेका आफ्ना नेता कार्यकता रिहाईको माग गर्दै आन्दोलनको घोषणा गरेका छन् ।

१३ गते देशभर चोक जुलुस, १४ गते कोणसभा, १५ गते मसाल जुलुस र १६ गते शनिबार नेपाल बन्द गर्ने विप्लवको विज्ञप्तिमा उल्लेख छ । एसईई परीक्षा दिइरहेका विद्यार्थीलाई असर नपरोस् भनेर शनिबार बन्द आहृवान गरिएको विज्ञप्तिमा बताएको छ ।

नेकपाले १९ गते देशभर अन्तरक्रिया, २१ गते जनवर्गीय संगठनको विरोध प्रदर्शन, २२ र २३ गते कालो झण्डा प्रदर्शन र २४ गते देशभर जनप्रदर्शन गर्ने बताएको छ । ‘चैतभित्र प्रतिबन्ध नहटाएमा साथै शान्तिपूर्ण कार्यक्रम गर्न नदिएमा केपी ओली सरकारका कार्यक्रमविरुद्ध प्रतिबन्ध र आम हड्तालको तयारी गर्ने वक्तव्यमा भनिएको छ ।

प्रतिक्रिया दिनुहोस