कांग्रेस बैठकः जिल्ला सभापतिहरुको सुझावमा छलफल

Khabar24Nepal Author Logo..
पढ्न लाग्ने समय : १ मिनेट

नेपाली कांग्रेसको महासमिति बैठकमा जिल्ला सभापतिहरुले दिएको सुझावका बारेमा केन्द्रीय कार्यसमिति बैठकमा छलफल शुरु भएको छ ।

बिहीबार बसेको केन्द्रीय कार्यसमिति बैठकमा जिल्ला सभापतिहरुले विधान संशोधनका लागि दिएको सुझावका बारेमा छलफल शुरु भएको हो । उनीहरुले महासमिति बैठकमा केन्द्रीय कार्यसमितिमा रहेका नेताहरु वडा तहबाट निर्वाचित भएर आउनुपर्ने र आरक्षणमा एक पटकमात्रै अवसर पाउनुपर्ने सुझाव दिएका थिए ।

बिहीबार बसेको बैठकमा जिल्ला सभापतिहरुले दिएको सुझावसँगै भ्रातृ संगठन नेविसंघको वर्तमान कार्यसमितिका बारेमा पनि छलफल भएको प्रवक्ता बिश्वप्रकाश शर्माले बताए । त्यस्तै नेविसंघको महाधिवेशनका बारेमा र सरकारको गतिविधिका बारेमा पनि छलफल भएको थियो ।

बैठकमा केन्द्रीय सदस्यहरु डा. शेखर कोइराला, हृदयराम थानी, बलबहादुर केसी, कल्याण गुरुङ, चन्द्र भण्डारी, मानबहादुर विश्वकर्मा, गगन थापा, गुरुराज घिमिरे, रामकृष्ण यादव, वीरबहादुर बलायर, फरमुल्लाह मन्सुर, डा. नारायण खड्कालगायतका नेताहरुले आ–आफ्नो धारणा राखेका थिए । कांग्रेस केन्द्रीय कार्यसमितिको अर्को बैठक माघ २८ गतेका लागि बोलाइएको छ ।

प्रतिक्रिया दिनुहोस